.

منتخب + كيروش يساوي بطولة ب ٥ مليون دولار.. إكسبو بطولة إفريقيا وخذوا الفلوس هدية

حمدي فتحي : يا بختك يا عم دخلت التاريخ من أوسع ابوابه .. القيمة والقامة حسن المستكاوي ٠رشحك لبايرن ميونيخ .. بس يا تري مين اللي حسدك فتصبت تاني يوم في ماتش الأردن .

المصري : طلبتم تأجيل ماتش المقاصة علشان كورونا ضربت فريقكم .. والرابطة رفضت التأجيل.. لعبتم و كسبتوتم : حق رابطة اندية الدوري عليكم تعملولها بيان شكر علي رفضها التأجيل .

نبيل معلول النجم التونسي الكبير : قلت يا بخت الأهلي عنده قائد المنتخب المصري ” الشناوي ” و عنده قائد المغرب ” بانون ” و قائد تونس ” علول ” ٢ اتصابوا وواحد ودع كأس العرب .. فجماهير الأهلي قالت : الحمد لله نسي ديانج وبيرسي تاو !!؟

الرايق عماد الدين محمود : قال في موجه عندنا لجمهور سيد البلد في آخر السنة اطمنوا حناخد الكأس والدوري .. تاني يوم .. فازت السلة علي الزمالك .. علشان يبقي أول سطر في الكأس والدوري بركاتك يا رايق .

محمد مصليحي : يا جبل ما يهزيك ريح .

سلة الأتحاد السكندري : لحقتوا نفسكم بمكسب الزمالك . قبل ما الجمهور يقلبها عليكم

وليد عرفات : ازاي الصحة .. ازاى الحال .. يارب يبقي فول وعال العال .. ويجعل سموحه بك عمار

محمد فرج عامر رئيس سموحة السابق : تصدق وتؤمن بالله .. ارتحت وريحت !؟

المستشار عبد العزيز ابو عيانة رئيس نادي الصيد – الدكتور سمير عبد الحميد رئيس أصحاب الجياد : شكلكم واخدناها جد الجد ومش بتهزروا .. في إنتظار ما وعدتم به لانديتكم

استاذنا الفاضل و ريسنا عبد القادر ابراهيم : قلت ربيع التغيير هبت علي أندية الأسكندرية في انتخاباتها الاخيرة .. با تري بالسالب ولا بالإيجاب ؟ روؤيتك للمشهد أزاى !؟

أحمد مجاهد : قلت مع هاني حتحوت .. الأهلي والمنتخب بكل النجوم في الكان والمونديال .. أوعي تكون قصدك ” نجومه طاهر محمد وكهربا وعلي لطفي ” لاحسن ساعتها جمهور الأهلي يقولك : يا حوستي .

حسين فيصل : كل لما جمهور الزمالك يشفوك .. يقول في نفس واحد بصوت العملاق محمود عبد العزيز في جري الوحوش ” آه يا حوستي

بيتسو موسيماني : نعذرك في إصابات نجومك .. مش بعيد تكون فرحة لما اكرم توفيق غاب عن ماتش الأردن للايقاف علشان تشم نفسك شوية .

الرجاء البيضاوي : عملتوا زيطة وزمبليطة علي تأجيل كأس السوبر الأفريقي وفي الآخر قلتوا مسافرين وسنلعب في قطر .. ما كان من الأول .

ناصر الشاذلي : شكلك ومجلسك وشكم حلو علي فريق الكرة وقريبا إن شاء الله يرجع للممتاز